21 Noyabr 2019
Rəşad Atakişiyevin qardaşı oğlu hər kəsi duyğulandırdı - FOTO
Rəşad Atakişiyevin qardaşı oğlu hər kəsi duyğulandırdı- FOTO CƏMİYYƏT 15:13 2019-11-09

Polkovnik-leytenant Rəşad Atakişiyevin qardaşı oğlu 191 saylı məktəbdə "Bayraq Günü" ilə bağlı keçirilən sinif tədbirində göz yaşlarına hakim ola bilməyib. Əmisini yadına salıb kövrələn uşağın bu hərəkəti hər kəsi duyğulandırıb.

Unikal.org xəbər verir ki, bu barədə sosial şəbəkədə millət vəkili Aydın Mirzəzadə paylaşım edib: 

“Bu gün Azərbaycan radiosunda Dövlət Bayrağı Günü münasibəti ilə verilişə dəvət edilmişdim. Verilişə belə bir şəkil göndərilmişdi.

Şəkillə yanaşı belə bir mətn göndərilmişdi :

"Bu ağlayan mənim şagirdimdir. Şəhid Rəşad Atakişiyevin qardaşı oğludur. Dünən dərsdə vətən, şəhidlər mövzusunda söhbətimiz əsnasında gördüm ağlayır. Dedi, əmim yadıma düşdü, müəllim”.

Xatırladaq ki, Rəşad Atakişiyevin idarə etdiyi hərbi təyyarə iyulun 24-də, gecə, təlim-məşq uçuşu keçirən zamanı dənizə düşüb. Onun nəşi avqustun 20-də tapılaraq dənizdən çıxarılıb.


  • Rəşad Atakişiyevin qardaşı oğlu hər kəsi duyğulandırdı- FOTO