Böyük Britaniya mediası ölkədə Alabama Rot V (CRGV) adlı nadir xəstəlik hallarının artdığını bildirib.

"Unikal" xəbər verir ki, təhlükəli xəstəlik itin dəri və böyrəklərindəki qan damarlarını bağlayaraq ətin çürüməsinə səbəb olur. 

Xəstəliyin yeni halları Dorçesterdə (Böyük Britaniyanın cənub-qərbi Dorset) qeydə alınıb. Xəstəlik Şotlandiya, İrlandiya, Uels və İngiltərənin şimalına da yayılıb. Xəstəliyin səbəbi hələ aydın deyil. Bir versiyaya görə, bunlar bataqlıqlarda yaşayan və ev heyvanlarının kürkünə girən bakteriyalardır. Xəstəliyin müalicəsi yoxdur.

Baytarlar ev sahiblərinə gəzintidən evə qayıdarkən itlərinin pəncələrini yaxşıca yumağı məsləhət görürlər.